(ខេត្តកណ្តាល)៖ ព្រឹកថ្ងៃអាទិត្យ ១រោច ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៥ ខែកក្កដា ឆ្នាំ២០២១ ឯកឧត្តម គង់ សោភ័ណ្ឌ អភិបាល នៃគណ:អភិបាលខេត្តកណ្តាល និង ឯកឧត្តមបណ្ឌិត ម៉ៅ ភិរុណ ប្រធានក្រុមប្រឹក្សាខេត្ត ដោយមានការចូលរួមពី ឯកឧត្តម លោកជំទាវសមាជិកក្រុមប្រឹក្សាខេត្ត គណៈអភិបាលរងខេត្ត លោក លោកស្រីថ្នាក់ដឹកនាំមន្ទីរអង្គភាពជុំវិញខេត្ត បានដង្ហែរទៀនចំណាំព្រះវស្សា និងទេយ្យវត្ថុ វេរប្រគេនដល់ព្រះសង្ឃគង់ចាំព្រះវស្សាអស់ត្រីមាស និមន្តមកពីស្រុកចំនួន០៣ គឺស្រុកកៀនស្វាយ ស្រុកស្អាង និងស្រុកលើកដែក ចំនួន៧៥វត្ត និងពុទ្ធមណ្ឌលចំនួន០២ ដែលបានប្រារព្ធធ្វើនៅក្នុងវត្តកៀនស្វាយក្រៅ ស្ថិតនៅឃុំកៀនស្វាយក្រៅ ស្រុកកៀនស្វាយ ខេត្តកណ្តាល។ ទេយ្យវត្ថុដែលបានប្រគេនមាន៖ -វត្តកៀនស្វាយក្រៅ ៖ បច្ច័យ ១លានរៀល,ទៀនចំណាំព្រះវស្សា០១គូ, អង្ករ៣០០គ.ក,ទឹកសុទ្ធ០៥កេស, មី១០កេស, ត្រីខ១០យួរ ,សាដក់០១, ម៉ាស់០១កេស,អាល់កុល០១កាន។ -វត្តចំនួន៧៤ និងពុទ្ធមណ្ឌលចំនួន០២ ក្នុងស្រុកទាំងបី ក្នុង១វត្ត/ពុទ្ធមណ្ឌល បច្ច័យ៤០ម៉ឺនរៀល, ទៀនចំណាំព្រះវស្សា០១គូរ, […]
